Fotis vo dr Fägi-Musig

Klausekegle am 7. Dezämber 2018

S'disjöhrige Klausekegle het wider im Ruchfäld stattgfunde. Unterem Motto "Dismol gwinnt nid dr Stephan" hän sich alli Beteiligte meh oder minder müeh gäh, dr Pokal heim z'due. Nach dem grosse Gfächt isches denn offiziell worde, und s'Motto het könne bestätigt wärde.


Elftenelfte in Köln

Zum disjöhrige Probeweekend hän mir d Reis gmacht uf Köln und sin dört go luege, wie die musikalischi Unterhaltig um dr 11.11. denn e so usgseht. Sehr positiv überrascht sin mir worde, well e Mänge het möchte dr Fägi hinterhärgwaggle, au zum nur e Bier in dr Baiz go bstelle oder au wider retour in Zug.

Gwohnt hän mir alli zämme und probt hän mir Samschtig und Sunntig wie die Wilde uf de Stroosse und in de Baize. Me findet bi de Föteli es paar Iidrück und Highlights. Aber s'Beschte erfahrsch nadierlig nur am Mittwuch in dr Prob, wo mir vo vorne bis hinde verzelle, was mir erläbt hän.
Kölle Olaf!


Fasnacht 2018

Näbscht dem bunte Fasnachtstriibe wo d'Fägi das Joor wider mitgmischt het, hets Fascht kai Platz gäh, zem e Mol uf d Syte stoh und e Schnappschuss z'mache. Dorum sin die Impressione zwar dünn, aber dennoch nid weniger iidrücklich. Wär drzue koh isch, in dr Zytig z'blättere, het ys sicher au dört s eint oder ander Mol das Joor entdeckt.


Klausekegle am 8. Dezämber 17

Im Kegelcenter Ruchfäld hän mir erneut um dr gröschti Chlaus keglet. Dä dörf es ganzes Joor dr Pokal (das Joor wider ganz en Neue) mit heime näh, uf däm me au verewigt wird. Das Joor (es wunderet niemer), het dr Stephan die grossi Ehr übercho, und nimmt dä Pokal scho wider mit heime (so wie au scho letscht Joor, vorletscht Joor und vorvorletscht Joor). Drfür (und au well är so vyyl Üebig drin het), darf är s Neggschtjöörige wider organisiere. Me mungglet, es seg im Ruchfäld scho wider vorreserviert worde!


Probeweekend 17. - 19.11.17

D' Fägi-Musig isch uf Lungere greist, zum im Probeweekend am Könne fiile. Abekämpft hän mir die wältbeschti Pizza vom Maischterbäcker gnosse und mit eusem Eigebräu "Fägimaa" aagstosse. S'Extrem-hochgebirgs-musiziere het zuedem au Hunger gmacht uf s traditionelle Fägi-Fondue, wo mir am letschte Oobe hän dörfe schnabuliere. Bald scho isches aber Sunndig morge gsi, und mir hän em Musigchef nomol zeigt, was mir die letschte Dääg erarbeitet hän. Und e so, isch das Probeweekend einisch mehr nur no Erinnerige, Gschichte, Gedanke und Erzählige.